रातोपोस्ट संवाददाता
झापा, ५ फागुन । धुलाबारी बजार क्षेत्र र माथिल्लो मागुरमाडी प्रथम वडा अध्यक्ष कपकाे फाइनलमा शनिबार (भाेलि) आमने–सामने हुदै उपाधि जित्ने लक्ष्यसाथ मैदान उत्रिदै छन्। फाइनल खेल दिउँसो ३:०० बाट कवि शिरोमणी माविको खेलमैदानमा सुरु हुने आयोजकका वडा खेलकुद विकास समिति मेचीनगर-९ का सचिव राजु धिमालले जानकारी दिए ।
सेमिफाइनलमा बलियो प्रतिस्पर्धी चयावल्नी क्षेत्रलाई ५–३ ले पाखा लगाउदै माथिल्लो मागुरमाडी र खुटीडाँगी क्षेत्रलाई २–१ ले पराजित गर्दै धुलाबारी बजार क्षेत्रले फाइनलमा स्थान पक्का गरेका थिए।
मेचीनगर-९ वडाले आयाेजना गरेकाे प्रथम वडा अध्यक्ष कपकाे विजेताले नगद ४० हजार र उपविजेता टिमले नगद २५ हजार रुपैयाँसहित मेडल तथा प्रमाणपत्र पाउने छन् ।