झापा, २६ फागुन । झापाकाे मेचीनगर नगरपालिका- ८ को नवनिर्मित वडा कार्यालय भवनको उद्घाटन गरिएको छ ।
आज सृजना चोक पूर्व ४ कट्ठा जग्गामा निर्मित २ तले वडा कार्यालय भवनको आयोजित कार्यक्रमका बिच मेचीनगर नगरपालिकाका प्रमुख गोपालचन्द्र बुढाथोकीले उद्घाटन गरेका हुन।
स्थानीय चन्द्र बहादुर, शिवमाया बस्नेत परिवारले उपलब्ध गराएको- ४ कट्ठा जग्गामा मेचीनगर नगरपालिकाका पूर्व मेयर बिमल आचार्यले भवन शिलान्यास गरेका थिए । जुन भवनको निर्माण सम्पन्न पश्चात आज उद्घाटन गरिएको हो ।
नवनिर्मित भवन परिषरमा आज आयोजित कार्यक्रममा जग्गादाता बस्नेत परिवार सहित पूर्वजनप्रतिनिधि, स्थानीय कृषक, समाजसेवी तथा विभिन्न क्षेत्रबाट वडाको विकासमा योगदान पु¥याउनुभएका दुई दर्जन बढी व्यक्तित्वहरुलाई सम्मान पनि गरिएको छ ।
मेचीनगर नगरपालिकाका प्रमुख बुढाथोकीको प्रमुख आतिथ्यतामा सम्पन्न कार्यक्रममा नगर उपप्रमुख मिना पोखरेल उप्रेतीको समेत आतिथ्यता रहेको थियो । कार्यक्रममा शुभकामना मन्तव्य राख्दै नगर प्रमुख बुढाथोकीले स्थानीय जनताले प्राप्त गर्ने सेवा सुविधा सहज बनाउनका निम्त्ति जनप्रतिनिधिहरु सदैव लाग्नुपर्ने बताउनुभयो ।
‘भवन मात्रै नयाँ चिटिक्कको बनाएर हुदैँन, जनताले कस्तो प्रकारले सेवा प्राप्त गर्दैछन् ? यस विषयमा हामीले विषेश ध्यान दिनुपर्छ ।’ उनले भने ।
कार्यवडाध्यक्ष गिरिराज धमलाको सभापतित्वमा कार्यक्रम सम्पन्न भएकाे थियाे । वडा सदस्य मनकुमारी गिरिले स्वागत गरेकि कार्यक्रममा वडा सदस्य कुन्दन निरौलाको सञ्चालनमा गरेका थिए । भाडाको कोठाबाट सेा दिइँदै आएको वडाले अब आइतबारबाट भने आफ्नै भवनबाट सेवा प्रदान गरिने जनाइएको छ ।