झापा, ४ भदौ । झापाको बिर्तामोडमा २६ औं शाखाको रुपमा भाट–भटेनी सुपर मार्केट सञ्चालनमा आएको छ । कम्पनीका अध्यक्ष तथा प्रबन्ध निर्देशक मीनबहादुर गुरुङले आज भाटभटेनीको शाखा उद्घाटन गरेका हुन ।

भाट भटेनी स्टोरमा १ लाख २५ हजारका विभिन्न प्रकारका सामानहरु खरिद गर्न पाइने कम्पनीले जनाएको छ । सुपर मार्केटमा झापा, इलाम जिल्लासहित भारतबाट समेत ग्राहकहरु सपिङ गर्न आउने कम्पनीको भनाइ छ ।

उद्घाटनका समयमा ग्राहकलाई प्रत्येक सामानहरुमा १० देखि २० प्रतिशतसम्म छुटको व्यवस्था गरिएको कम्पीले जानकारी दिएको छ । २ अर्ब रुपैयाँ भन्दा बढीको लगानीमा सञ्चालनमा आउन लागेको बिर्तामोडको भाट भटेनीमा स्केटिङ पार्क, फुड कोर्ट, दुईवटा सिनेमा हल रहनेछ । सातौँ तल्लासम्म रहेको भाट भटेनी झापाकै ठुलो सुपर मार्केट हो ।