झापा, १६ असोज । झापाको कन्काई नगरपालिकास्थित कोटीहोम धार्मिक विकास संस्थाको अध्यक्षमा शेरबहादुर थापा बिजयी भएका छन् ।

आज साँझ सम्पन्न मतगणनाअनुसार थापाले आफ्ना प्रतिष्पर्धी नरेन्द्रप्रसाद फुयँललाई १ सय ४७ मतान्तरले पराजित गरेका हुन् । थापाले ५ सय २३ मत ल्याउँदा फुयँलले मात्र ३ सय ७६ मत पाए ।

यसैगरी महासचिवमा समेत थापाकै प्यानलका दिनानाथ खतिवडा बिजयी भए । खतिवडा ४ सय ३५ मत ल्याएर बिजयी हुँदा उनका निकटतम् प्रतिद्वन्द्वी दलका तर्फबाट उम्मेद्वारी दिएका कृष्णप्रसाद घिमिरेले ४ सय २२ मत प्राप्त गरेका छन् । बाँकी सबै पदाधिकारीमा दलका तर्फबाट उम्मेद्वारी दिएका उम्मेद्वारहरु बिजयी भएका छन् । सदस्यहरुको मतगणना भने जारी रहेको छ ।