झापा, २३ कात्तिक । धुलाबारी महोत्सवमा भोलि चर्चित गायक दीपक बज्राचार्य एण्ड व्याण्डको धुम–धमका प्रस्तुति रहनेछ । रिदम नेपाल धुलाबारीको मुख्य आयोजनामा यहि कात्तिक १७ गतेदेखि मेचीनगरमा सुरु भएको धुलाबारी महोत्सवमा नेपाली सांगितिक क्षेत्रका गायक बज्राचार्यको भोलि शुक्रबार साँझ दमदार प्रस्तुती रहनेछ ।
उनले आँफूले बजारमा ल्याएका नयाँ–नयाँ चर्चित गीतहरु गाउँने छन् । युवा पुस्तामाझ लोकप्रिय रहेका गायक बज्राचार्यका एण्ड व्याण्डका राम्रा–राम्रा गीतहरु चर्चामा रहेको छ । उनका चर्चित गीतहरु एक्लो, राति, मन मगन, काँचो माया लगायत आधा दर्जन गीतहरु गाउने भएको रिदम नेपालका अध्यक्ष रुद्र रोक्काले जानकारी दिए ।
महोत्सव आगामी मंसिर ४ गतेसम्म सञ्चालन हुनेछ । महोत्सवमा कलाकारहरु प्रिति आले, अर्नव वन, द्रव्य व्याण्ड लगायतका राष्ट्रिय कलाकारहरुले आफ्नो प्रस्तुति दिइसकेका छन् । धुलाबारी महोत्सवमा राष्ट्रिय तथा स्थानीय कलाकारहरुको वेजोड प्रस्तुतिले दर्शकहरुको भिड बढ्न थालेको आयोजकको भनाई छ ।