झापा, १२ जेठ । मेची सामुदायिक अध्यन (सिकाइ) ले आयोजना गरेको अन्तरमावि स्तरीय हाजिरी जवाफ प्रतियोगितामा तारापुञ्ज इङलिस बोर्डिङ स्कुल प्रथम भएको छ । शुक्रबार काँकरभिट्टा स्थित मेची सामुदायिक सभाहलमा आयोजित हाजिरी जवाफ प्रतियोगितामा ७ वटा विद्यालयलाई पछि पार्दै तारापुञ्ज प्रथम बनेको हो ।
प्रतियोगितामा अरुणोदय इङलिस बोर्डिङ स्कुल दोस्रो र पशुपति बोर्डिङ स्कुल तेस्रो भएको छ । प्रतियोगितामा प्रथम, दोस्रो र तेस्रो हुने विद्यालयले ट्रफी, नगद र प्रमाण पत्र प्राप्त गरेको छ । मेचीनगर–६ का कार्यवाहक अध्यक्ष ध्रुवकुमार राईको प्रमुख आथित्यतामा सम्पन्न प्रतियोगितामा आयोजक संस्थाका स्रोतव्यक्ति समेत रहेका विष्णुप्रकाश निरौलाले सहजीकरण गरेका थिए ।
तारापुञ्ज, पशुपति, अरुणोदय, नर्थ पोइन्ट, गंगा मेमोरियल, सूर्योदय, काँकरभिट्टा मावि लगायत ७ वटा विद्यालयको सहभागितामा सम्पन्न भएको थियो । मेची सामुदायिक अध्यन (सिकाइ) का अध्यक्ष सोमराज ढकालको अध्यक्षता सम्पन्न भएको कार्यक्रमको सञ्चालन एकेन्द्र उप्रेतीले गरेका थिए ।