रातोपोस्ट संवाददाता
झापा, ३० जेठ । रिर्टनी स्वरोजगार केन्द्र झापाले बिश्व रक्तदान दिवसकाे अवसरमा जेष्ठ ३२ गते रक्तदान कार्यक्रम गर्ने भएको छ ।
आज प्रेस क्लब मेचीनगरमा आयोजित पत्रकार सम्मेलनमा रिर्टनी स्वरोजगार केन्द्र झापाका अध्यक्ष दिनेश कार्कीले यहि जेष्ठ ३२ गते काँकरभिट्टामा बिहान ७ बजेदेखि रक्तदान कार्यक्रम राखिएकाे उनले बताए ।
कार्यक्रममा रिर्टनी स्वरोजगार केन्द्रका सल्लाहकार दधिराम रिमालले झापामा रगतकाे अभाव महशुस गरेर स्वरोजगार केन्द्र झापाले रक्तदान कार्यक्रम आयोजना गर्न लागेकाे उनले बताए । दिनेश कार्कीको अध्यक्षतामा सम्पन्न पत्रकार सम्मेलनमा उपाध्यक्ष शेखर थापा, सचिब प्रबिण बानियाँ, प्रेस क्लब मेचीनगरका अध्यक्ष डम्बर बरालको आतिथ्यता रहेको थियो । केन्द्रको कोषाध्यक्ष सरस्वती चम्लागाईँले कार्यक्रमको सञ्चालन गरेकी थिइन् ।