News Portal

सात वर्षीया भाञ्जी बलात्कार गर्ने मामा पक्राउ

रातोपोस्ट संवाददाता
१०२३ पटक

ओखलढुंगा। ओखलढुंगामा सात वर्षीया बालिका बलात्कार गरेको आरोपमा एक युवा पक्राउ परेका छन् ।
नाताले भाञ्जी पर्ने सात वर्षीया बालिका बलात्कार गरेको अभियोगमा जिल्लाको मोलुङ गाउँपालिका वडा नम्बर–६ श्रीचौरका १८ वर्षीय कुमार तामाङ पक्राउ परेका हुन् ।
भाञ्जी पर्ने ती बालिकालाई घरैमा गएर गत मंगलबार बलात्कार गरेपछि अभिभावकको उजुरीका आधारमा घरैबाट तामाङलाई पक्राउ गरिएको ओखलढुंगाका प्रहरीले जनाएको छ ।
पक्राउ परेका तामाङ विरुद्ध जबरजस्ती करणी मुद्दा दर्ता गरि अनुसन्धान थालिएको प्रहरीले जनाएको छ ।

प्रतिकृया दिनुहोस्