News Portal

छेवाङ र मृदुल बने होराइजन आइडल

रातोपोस्ट संवाददाता
७९३ पटक

झापा । ‘होराइजन आइडल गायन प्रतियोगिता–२०७६’ को उपाधि छेवाङ ल्हमू तामाङ र मृदुल दाहालले जीतेका छन् । इष्ट होराइजन अंग्रेजी आवाशिय मावि मेचीनगरले भदौ पहिलो साता बाट अडिसन राउण्ड सुरु गरी विभिन्न राउण्ड सम्पन्न गर्दै प्रतियोगिताको बिहीबार भएको ग्रान्ड फिनालेमा छात्रातर्फ हरियो सदनकी तामाङ र छात्रतर्फ रातो सदनका दाहाल प्रथम हुँदै सो उपाधि जीतेका हुन् ।

उनीहरुलाई नगद पुरस्कारसहित ट्रफि प्रदान गरियो । विद्यालयका प्रिन्सिपल सञ्जीव राई, विद्यालय प्रशासन प्रमुख सावित्रा सापकोटा, प्लस टु को–अर्डिनेटर रेखा क्षेत्रीलगायतले उनीहरुलाई पुरस्कृत गरे । विद्यालयका रातो, हरियो, निलो र पहेँलो सदनबाट ४ जना छात्र र ४ जना छात्रा प्रतियोगिताको फाइनल राउण्डमा पुगेका थिए ।
उक्त प्रतियोगिताको निर्णायकहरुमा सनलाइट संगीत विद्यालयका संगीत शिक्षक कृष्ण योञ्जन र पञ्चम म्यूजिक स्कूलका संगीत शिक्षक निमा वाङ्गेल तामाङ थिए ।
त्यसक्रममा पञ्चम म्यूजिक स्कूलका कलाकारहरुले वाद्यवादनमा साथ दिए भने तीज सम्बन्धी गीत प्रस्तुत गरी सहभागीहरुलाई मनोरञ्जन दिलाए ।

प्रतिकृया दिनुहोस्