प्रविन अधिकारी
अर्घाखाँची ।अर्घाखाँचीकाे नरपानिमा बस दुर्घटना हुँदा १० जनाको मृत्यु भएको छ भने सात जना घाइते भएका छन्। आज बुधबार साँझ जिल्लाको सन्धिखर्क नगरपालिका-६ नरपानीमा बस सडकबाट करिब ३०० मिटर तल खसेको अर्घाखाँची प्रहरीले जनाएको छ।
सन्धिखर्कबाट बुटवल तर्फ जाँदै गरेको लु २ ख २१४८ नम्बरको बस नरपानी बजार नजिकैको घुम्तीमा दुर्घटना हुँदा अहिले सम्म १० जना को घटनास्थलमै मृत्यु भएको र घाइते सात जनालाई उपचारका लागि बुटवल पठाइएको जिल्ला प्रहरी कार्यलय अर्घाखाँचीले जानकारी दिएको छ।
अहिले घटनास्थलमा नेपाली सेना सशस्त्र प्रहरी र नेपाल प्रहरीको टाेलि पुगेको छ भने घटनाको विस्तृत विवरण आउन बाँकी छ।