News Portal

  • खानेपानीमा प्रगतिशील प्यानलको उम्मेदवारी घोषणा

    रातोपोस्ट संवाददाता
    ५७२ पटक

    बिर्तामोड । बिर्तामोड साना शहरी खानेपानी तथा सरसफाई उपभोक्ता संस्थाको मंसीर २५ गतेका लागि निर्धारित निर्वाचनका लागि प्रगतिशील प्यानलले उम्मेदवारी सार्वजनिक गरेको छ ।

    निर्वाचन प्रचार प्रसार समितिले  बिर्तामोडमा पत्रकार सम्मेलन गरेर ज्ञानुराम प्रसाईको नेतृत्वमा प्रगतिशील प्यानल सार्वजनिक गरेको हो ।

    प्रगतिशील प्यानलको तर्फबाट उपाध्यक्षको उम्मेदवारमा बुद्धिप्रसाद घिमिरे, सचिवमा जनबहादुर जवेगु (जेवी) र कोषाध्यक्षमा कमलप्रसाद पौडेलको नाम सार्वजनिक गरिएको छ ।

    यस्तै उपभोक्ता समितिको सदस्य पदका उम्मेदवारहरुमा पुरुषतर्फ शंकरराज ढुङ्गेल र श्रीप्रसाद सिटौला तथा महिला सदस्यमा सिता सापकोटा र हिमादेवी प्रसाईंको नाम घोषणा गरिएको छ ।

    बाँकी एकजना महिला सदस्यका लागि छलफल भइरहेको प्रचार समितिका संयोजक युवराज दाहालले जानकारी दिए ।

    पत्रकार सम्मेलनमा प्रगतिशील प्यानलका तर्फबाट अध्यक्षका उम्मेदवार ज्ञानुराम प्रसाईंले आफूहरु विजयी भएपछि वैकल्पिक उर्जाको प्रयोगबाट खानेपानीको उत्पादन र प्रशोधन गर्ने तथा विद्युतीय महसुलका लागि लागिरहेको रकम बचाएर उपभोक्तालाई हालको दरमा ५० प्रतिशतसम्म महसुल छुट दिने बताए ।

    प्रतिकृया दिनुहोस्

    Our Team

    अध्यक्ष : गणेश बहादुर मगर
    सम्पादक : दिलिप थापा
    संवाददाता: सुबराज लामिछाने
    मल्टीमिडिया : एकराज प्रधान
    व्यवस्थापक : अप्सना बेगम
    सल्लाहकार : घनश्याम गाैतम
    कानुनी सल्लाहकार : मानबहादुर खत्री
    सम्पर्क नम्बर (९८५२६२१३००)