News Portal

  • मेचीनगर वडास्तरिय फुटबल प्रतियोगिता वडा नम्बर ४ र १३ विजयी

    रातोपोस्ट संवाददाता
    ७८१ पटक

     

     

     

     

     

     

    झापा । वडा खेलकुद समिति मेचीनगर– ८ को आयोजनामा प्रथम मेचीनगर वडास्तरिय फुटबल प्रतियोगिता अन्तर्गत शनिबार भएको खेलमा वडा नम्बर ४ र १३ विजयी भएका छन् ।

    मेचीनगर–८ स्थित मेची विद्योदय आधारभूत विद्यालयको खेलमैदानमा शनिबार भएको पहिलो खेलमा वडा नम्बर १३ ले वडा नम्बर ७ लाई ३–१ गोल अन्तरले पराजित गरेको छ ।

    वडा नम्बर १३ को जीतमा जमिन लक्सम, प्रशान्त लक्सम र पासाङ तामाङले एक एक गोल गरे  भने वडा नम्बर ७ को तर्फबाट विकी मण्डलले एक गोल गरे ।

    प्रतियोगितामा उत्कृष्ट प्रदर्शन गर्ने वडा नम्बर १३ का प्रशान्त लक्सम म्यान अफ दी म्याच घोषित भए । उनलाई मेचीनगर ४ का वडा अध्यक्ष तथा मेचीनगर खेलकुद समितिका संयोजक नविन बरालले ट्रफी प्रदान गरे ।

    त्यसै गरेर आज भएको दोस्रो खेलमा वडा नम्बर ४ ले वडा नम्बर १० लाई २–० गोल अन्तरले पराजित गरेको छ ।
    वडा नम्बर ४ को जितमा आदित्य कार्की र अर्पन शाहले एक एक गोल गरे ।

    प्रतियोगितामा उत्कृष्ट प्रदर्शन गर्ने वडा नम्बर ४ का आर्यन भट्टराई म्यान अफ दी म्याच घोषित भए । उनलाई मेचीनगर ८ का वडा अध्यक्ष बिकेन्द्र धिमालले ट्रफी प्रदान गरे ।

    पुष १५ गतेसम्म चल्ने प्रतियोगिताको विजेताले ५१ हजार र उपविजेता टिमले २६ हजार रुपैयाँ नगदराशी सहित ट्रफी प्राप्त गर्ने छन् ।

     

    प्रतिकृया दिनुहोस्

    Our Team

    अध्यक्ष : गणेश बहादुर मगर
    सम्पादक : दिलिप थापा
    संवाददाता: सुबराज लामिछाने
    मल्टीमिडिया : एकराज प्रधान
    व्यवस्थापक : अप्सना बेगम
    सल्लाहकार : घनश्याम गाैतम
    कानुनी सल्लाहकार : मानबहादुर खत्री
    सम्पर्क नम्बर (९८५२६२१३००)