रातोपोस्ट संवाददाता
काठमाडौँ। नेपाल कम्युनिस्ट पार्टी (नेकपा)ले केन्द्रीय समिति बैठक आह्वान गरेको छ । नेकपा नेता वर्षमान पुनले आगामी पुस २० गतेका लागि बैठक बोलाइएको जानकारी दिए ।
नेकपा कार्यालय धुम्बाराहीमा बसेको स्थायी कमिटी बैठकले केन्द्रीय समितिको बैठक मिति तय गरेको हो ।
तत्कालीन नेकपा एमाले र एकीकृत माओवादी केन्द्र मिलेर बनेको नेकपामा चार सय ४५ सदस्यीय केन्द्रीय समिति रहेको छ ।
पार्टी एकतापछि पहिलो पटक एजेन्डामाथि छलफल गर्न नेकपाले केन्द्रीय समितिको बैठक बोलाएको हो ।
केन्द्रीय कमिटीले सचिवालय सदस्य बामदेव गौतमलाई उपाध्यक्ष बनाउनेलगायतको निर्णयको अनुमोदन पनि गर्नेछ ।
यसअघि नेकपा सचिवालय बैठकले गौतमलाई उपाध्यक्ष बनाउने निर्णय गरेको थियो ।