News Portal

  • अवैध उत्खनन्‌को विरोध गर्दै आएका युवकको टिपरले किचेर हत्या, स्थानीय आन्दोलित

    रातोपोस्ट संवाददाता
    ६०३ पटक

    धनुषा । धनुषाको मिथिला नगरपालिका–५ श्रीपुरमा शुक्रबार बिहान एक युवकको हत्या भएको छ ।  औरही खोलामा अवैध गिट्टीबालुवा उत्खनन्‌को विरोध गर्दै आएका २४ वर्षीय दिलीपकुमार महतोलाई नदीमै टिपरले किचेर हत्या गरेको हो ।

    उनको घरनजिकैको नदीमा भइरहेको अवैध उत्खनन्‌को विरोध गर्दे आएका महतोलाई टिपरले किचेर हत्या गरेको इलाका प्रहरी कार्यालय ढल्केबर प्रहरी निरीक्षक रामकुमार यादवले जनाएकाे छ । महतोलाई जबर्जस्ती समाएर ना ७ ख ६४१३ नम्बरका टिपर चालकले किचेका थिए।

    मर्निङवाकमा रहेका महतोलाई बिहान साढे चारबजे टिपरले ठक्कर दिएको थियो । ठक्कर दिने टिपरलाई प्रहरीले नियन्त्रणमा लिएको छ ।

    घटनापछि नियोजित हत्या भएको आरोप लगाउँदै स्थानीयहरु विरोध प्रदर्शनमा उत्रेका छन् ।घटनाको विरोधमा मिथला नगरपालिकाको श्रीपुर स्थित रामलक्ष्मण चोकमा सडकमा टायर बालेर पूर्वपश्चिम राजमार्ग अवरुद्ध गरेका छन् ।

    इलाका प्रहरी कार्यालय ढल्केवरका प्रहरी निरीक्षक रामकुमार यादवका अनुसार घटनाको प्रकृति हेर्दा पूर्ण रुपले नियोजित ढंगले किचेर हत्या भएको देखिएको बताए ।

     

     

     

    प्रतिकृया दिनुहोस्

    Our Team

    अध्यक्ष : गणेश बहादुर मगर
    सम्पादक : दिलिप थापा
    संवाददाता: सुबराज लामिछाने
    मल्टीमिडिया : एकराज प्रधान
    व्यवस्थापक : अप्सना बेगम
    सल्लाहकार : घनश्याम गाैतम
    कानुनी सल्लाहकार : मानबहादुर खत्री
    सम्पर्क नम्बर (९८५२६२१३००)