News Portal

एमसीसीविरुद्ध नेकपाले गर्यो सङ्घर्षकाे घोषणा

रातोपोस्ट संवाददाता
६०८ पटक

काठमाडौँ : नेपाल कन्युनिस्ट पार्टीले विवादित मिलिनियम च्यालेन्ज कर्पोरेसन (एमसीसी) विरोधमा  देशव्यापी रुपमा भन्डाफोर कार्यक्रम गर्ने भएको छ ।

माघ १ देखि १५ गतेसम्म विभिन्न कार्यक्रम सार्वजनिक गर्दै नेकपाले एमसीसी सम्झौता सदनबाट पारित भए नेपाल बन्दसम्मका सङ्घर्षका कार्यक्रम गर्ने जनाएको छ ।

सार्वजनिक गरिएको आन्दोलनका कार्यक्रम अनुसार नेकपाले अमेरिकी दूतावास, संयुक्त राष्ट्रसङ्घको कार्यालय र नेपाल सरकारलाई ज्ञापनपनपत्र बुझाउने भएको छ । यस्तै नेकपाले जनसङ्घर्षअन्तर्गत आस्थाका आधारमा बन्दी बनाइएका आफ्नो पार्टीका नेता–कार्यकर्ताहरूको तस्बिर प्रदर्शन गर्ने, महँगीविरुद्ध प्रदर्शन गर्ने र व्यापक जनसहभागितामा जनवादी सांस्कृतिक कार्यक्रम गर्ने रहेको छ ।

नेकपाको १५ दिने कार्यक्रम

माघ ५ गते : सरकारलाई ज्ञानपनपत्र दिने
माघ १० गते: अमेरिकी दूतावासलाई ज्ञापनपनपत्र दिने
माघ १२ गते: संयुक्त राष्ट्रसङ्घको कार्यालयमा ज्ञापनपनपत्र दिने

देशव्यापी जनसङ्घर्षका कार्यक्रम

माघ १० गते : बन्दीहरूको रिहाइका निम्ति तस्बिरसहित प्रदर्शन
माघ १६ गते : सहिद दिवस मनाउने
मघ १८ गते: महँगीविरुद्ध प्रदर्शन
माघ २० गते: खुला सांस्कृतिक कार्यक्रम
माघ २५ गते: देशव्यापी अन्तरक्रिया

 

प्रतिकृया दिनुहोस्