रातोपोस्ट संवाददाता
झापा। शिवसताक्षी नगरपालिकाका प्रमुख चन्द्रकुमार शेर्माले चलाएको गाडी आज दुर्घटनामा परेको छ ।
दमक नजिकैको रतुवा खोलाको पुलमा आज दिउँसो गाडी दुर्घटनामा परेको हो । मे १ झ १५२ नम्बरको शिवसताक्षी नगरपालिकाको उक्त गाडी नगरप्रमुख शेर्माले चलाएको जनाइएको छ ।
विपरीत दिशाबाट आएको ट्रिपरसँग ठक्कर खाएपछि गाडी दुर्घटनामा परेको इलाका प्रहरी कार्यालय दमकले जनाएको छ ।
गम्भीर प्रकृतिको देखिने उक्त दूर्घटनाबाट नगरप्रमुख शेर्भा भने सकुशल छन् । उक्त गाडीमा नगरप्रमुख शेर्मा मात्रै सवार थिए ।
मेयरका भतिजासमेत रहेका गाडी चालक कर्ण राईका अनुसार शेर्मा औषधी किन्न दमक जाँदैगर्दा गाडी दुर्घटनामा परेको हो ।