रातोपोस्ट संवाददाता
झापा, साउन ९ । झापाको मेचीनगर – २ मा आज धारीलो हतियार (बाम्फुक) प्रहारबाट एक जनाको हत्या भएको छ। मेचीनगर – २ स्थित भृकुटी चोकमा ब्यवसायी नारायण आचार्यको हत्या भएको इलाका प्रहरी कार्यालय काँकरभिट्टाका प्रहरी नायब उपरीक्षक राजेन्द्र पोखरेलले बताए ।
धारीलो हतियार प्रहार पछि गम्भीर घाईते भएका आचार्यको उपचारको क्रममा बिर्तामोड स्थित बिएण्डसी अस्पतालमा निधन भएको प्रहरीले जनाएको छ ।
दिउँसो करीब ३ः३० बजेतिर भृकुटी बजारमा अज्ञात ब्यक्तिले धारीलो हतियार प्रहार गरेर फरार रहेका थिए । हत्यामा संलग्न ब्यक्तिलाई पक्राउ गरिएको प्रहरी नायव उपरीक्षक राजेन्द्र पोखरेलले बताए ।