झापा, ६ चैत । नेपाली काँग्रेस मेचीनगरका नगर सभापति तथा मेचीनगर— १० का वडा अध्यक्ष सुवेशकुमार पनेरुले झापाकाे मेचीनगर- १४ मा रहेकाे दुहागडी तेक्वान्दो डोजाङलाई ५० हजार रुपैयाँ बराबार खेल सामग्री प्रदान गरेका छन् ।
आज जागरुक युवाहरु समुहले खेलाडीहरुलाई सम्मान गरेकाे साे कार्यक्रममा प्रमुख अतिथि पनेरुले दुहागडी तेक्वान्दो डोजाङलाई ५० हजार रुपैयाँ बराबार खेल सामग्री प्रदान गरेका हुन् ।
गत फागुन ३० देखि चैत २ गतेसम्म धुलाबारीमा भएको मेचीनगर स्तरीय राष्ट्रपति रनिङ शील्ड प्रतियोगितामा बाल सुबोधिनी माध्यमिक विद्यालयले तेस्रो स्थान प्राप्त गरेको थियाे । मेचीनगर- १४ मा भएकाे साे सम्मान कार्यक्रममा प्रमुख अतिथि पनेरुले विद्यालयले पढाइकाे साथै खेलकुद क्षेत्रलाई पनि अगाडि बढाएकाेमा विद्यालयका प्रधानाध्यापकलाई धन्यवाद दिएका थिए ।
सम्मान कार्यक्रममा प्रमुख अतिथि पनेरु, विषेश अतिथि बाल सुबाेधनीका प्रधानाध्यापक विश्व थापा, विषेश अतिथि रेडक्रस नेपाल मेचीनगर- १४ का संयाेजक गाेपीराज मैनाली, अतिथिमा जागृत युवा समुहका संयाेजक प्रितम पनेरु रहेका थिए । कार्यक्रमकाे सञ्चालन दुहागडी तेक्वान्दो डोजाङका संयाेजक बावुलाल सुब्बाले गरेका थिए भने अध्यक्षता गुणरत्न थापाकाे रहेकाे थियाे ।