झापा, २० बैशाख । झापाकाे मेचीनगर वडा नम्बर- ९ मा एमाले पार्टीले घरदैलो अभियानलाई तिब्रता दिएका छन् । आगामी वैशाख ३० गते हुने स्थानीय तह निर्वाचनको लागि वडा नं ९ का वडाध्यक्षका उम्मेदवार कञ्चन तामाङ, वडा सदस्यका उम्मेदवारहरु धनकुमार श्रेष्ठ, राजन खड्का, महिला वडा सदस्यका उम्मेदवार करुणा राजवंशी र दलित महिला सदस्यका उम्मेदवार सुष्मा कार्की डाेलीले चुनावी अभियानलाई तिब्रता दिएका हुन् ।
मंगलबार लीला बस्तीको दुर्गा मन्दिरबाट सुरु भएकाे अभियान थोप्ले बिरानको बालुवाटार, रिङरोडको मागुरमाडी सिरान, तिनतिरे चोक, मेचे डाँगी हुँदै खुटीडाँगी सामुदायिक वन छेउ (झोडा) मा घरदैलो कार्यक्रम सम्पन्न गरेको छ ।
उक्त चुनावी घरदैलो अभियानमा नेकपा एमालेका केन्द्रीय सदस्य रविन कोइराला, एमाले मेचीनगरका मेयर पदका उम्मेद्वार गोपालचन्द्र बुढाथोकी र उपमेयरका उम्मेद्वार मीना पोखरेल उप्रेतीसहित नेताहरुकाे सहभागिता रहेको छ ।
