रातोपोस्ट संवाददाता
झापा, २१ बैशाख । राष्ट्रिय प्रजातन्त्र पार्टीका अध्यक्ष राजेन्द्र लिङ्देन आज काँकरभिट्टा आउने भएका छन् ।
लिङ्देन बिहान १० बजे झापाकाे काँकरभिट्टा स्थित हनुमान मन्दिर परिसरमा हुने चुनावी सभालाई सम्बाेधन गर्नेकाे लागि उनी काँकरभिट्टामा आउन लागेकाे राप्रपा मेचीनगरका अध्यक्ष सविना बजगाइले जानकारी दिइन् ।
मेचीनगरमा पार्टीका उम्मेदवारहरुलाई विजयी गराउनकाे लागि उनी काँकरभिट्टा आउन लागेका हुन । राप्रपा मेचीनगरबाट प्रमुख पदमा रमेश दाहाल र उपप्रमुखमा सविना बजगाईले उम्मेद्वारी दिएका छन् । राप्रपाले मेचीनगरका सबै वडाहरुमा उम्मेद्वारी दिएकाे छ । मेचीनगरमा सबै ठाउँमा हाम्रो संगठन बलियो भएकाे कारण मेयर उपमेयरसहित नगरका सबै वडामा विजयी हुने राष्ट्रिय युवा संगठन राप्रपा मेचीनगरका सचिव बिनाेद रिमालले जानकारी दिए ।