झापा, ३ जेठ । कनकाई नगरपालिका वडा नम्बर- १ को मतगणनाबाट वडाध्यक्षमा नेकपा एमालेका सुशिलकुमार पोखरेलसहित प्यानल नै विजयी भएको छ । पोखरेल उनका निकटतम प्रतिद्वन्द्वी नेपाली काँग्रेसका सूर्यकुमार थापालाई हराउँदै विजयी बनेका हुन् । पोखरेलले १२१६ मत प्राप्त गर्दा थापाले ९४९ मत ल्याएका छन् ।

यसैगरी महिला सदस्यतर्फ एमालेकै निर्मला खड्का १२१५ मत प्राप्त गर्दै विजयी भएकी छन् । दलित महिला सदस्यमा एमालेकै संजीता घतानी ल्वागुन १२३२ मत , खुल्ला सदस्यमा दलबहादुर थापा ११८८ मत र हरिकुमार राई १२३६ मत ल्याउँदै विजयी भएका छन् ।