झापा, २० जेठ । लायन्स क्लब अफ मेचीनगरको सन् २०२२–२०२३ को अध्यक्षमा मोहन मैनाली सर्वसम्मत चयन भएका छन् । बिहिवार झापाकाे काँकरभिट्टा स्थित मेचिनगरमा क्लबको सम्पन्न भेलाले मैनालीको नेतृत्वमा नयाँ समिति चयन गरेको हो ।

भेलाले प्रथम उपाध्यक्षमा गंगालाल गुरुङ, द्वितीय उपाध्यक्षमा रोशन प्रधान, तृतिय उपाध्यक्षमा नवराज प्रधान, सचिवमा सचित तामाङ र कोषाध्यक्षमा ज्याक पोखरेललाई सर्वसम्मत चयन गरेको छ ।

क्लबका संस्थापक अध्यक्ष शंकर थापा, निवर्तमान अध्यक्ष सन्तोष आचार्य, अभिजित दवाडी लगायतले शुभकामना व्यक्त गरेका थिए । भेलामा क्लबले समाजमा गरेका सकरात्मक र रचनात्मक कामको मुल्यांकन गर्दै आगामी दिनमा समेत स्वास्थ्य, शिक्षा, वातावरण लगायतका क्षेत्रमा सक्रिय पूर्वक लाग्न सहभागीहरूले सुझाव दिएका थिए ।