झापा, २० असार । ट्राभल संघ झापा तथा होटल ब्यवसायी संघ मेचीनगरले प्रहरी सहायक निरीक्षक दुर्गा खनालकाे बिदाई तथा सम्मान कार्यक्रम गरेकाे छ । काँकरभिट्टा स्थित हाेटल व्यवसायी संघकाे भवनमा आज एक कार्यक्रम आयाेजना गरि ईलाका प्रहरी कार्यलय काकरभिट्टामा कार्यरत प्रहरी निरिक्षक खनालकाे बिदाइ तथा सम्मान गरेकाे हाे ।
ईलाका प्रहरी कार्यलय काकरभिट्टामा सहायक निरिक्षक खनाल २७ महिनादेखि कार्यरत रहेका थिए । सहायक निरिक्षक खनालकाे सरुवा हाल ईलाका प्रहरी कार्यलय बेलवारीमा भएकाे छ । काकरभिट्टामा मुद्दा फाटमा रहेर काम गरेका उनी जनताकाे मनमा बसेर गएकाे ट्राभल संघ झापाका अध्यक्ष नेत्र कार्कीले बताए ।
कार्यक्रममा हाेटल व्यवसायी संघका केन्द्रीय सचिव राजु अधिकारी, ट्राभल संघ झापाका अध्यक्ष नेत्र कार्की, मेचीनगरपालिकाका कार्यपालिका सदस्य अन्जु थापालगायतकाे उपस्थित रहेकाे थियाे । राम तामाङले सञ्चालन गरेकाे कार्यक्रमकाे अध्यक्षता मेची हाेटल व्यवसायी संघका अध्यक्ष सुरेश कुमार श्रेष्ठ (गाेपाल) ले गरेका थिए ।