झापा, १५ साउन । प्रहरीले झापामा भन्सार छलेर भित्राएको कपडा र जुत्ता बरामत गरेको छ । आज मेचीनगर ६ बाट प्रहरीले डेढ लाखको अवैध सामग्री बरामत गरेको जिल्ला प्रहरी कार्यालय झापाले जनाएको छ ।

आज विहान साढे १० बजे इलाका प्रहरी कार्यालय काँकडभिट्टाबाट खटिएको प्रहरी टोलीले मेचीनगर –६ गैरी गाँउमा नेपाल तर्फ ल्याउदैं गरेको साडी, कुर्था सुरुवाल, कुर्ती, लेगिज,सटको थान कपडाहरु र साँझमा नेपाल ल्याउदै गरेको स्पोर्टस सुज बरामत गरिएको प्रहरी प्रवक्ता बसन्त पाठकले जानकारी दिए । एक लाख ६ हजारको कपडा र ६० हजारको स्पोर्टस् सुज बरामत गरी आवश्यक कारवाहीको लागि मेची भन्सार कार्यालय काँकरभिट्टा बुझाएको झापा प्रहरीले जनाएको छ । उक्त अवैध सामग्री धनीका बारेमा प्रहरीले केहि पनि खुलाएको छैन ।