झापा, ९ भदौ । झापाको मेचीनगरमा नगर स्तरीय अन्तर मावि नृत्य प्रतियोगिता सम्पन्न भएको छ । अनेरास्ववियु मेचीनगर कमिटीको आयोजनामा आयोजित प्रतियोगितामा नगरका १० वटा विद्यालय सहभागी रहेका थिए ।
धुलाबारीको पासाङ्ग ल्हामु हलमा विहीबार सम्पन्न प्रतियोगितामा इष्टहोराइजन मावि प्रथम, हिमालयन एकाडेमी द्वितीय र होलिबेल अंग्रेजी मावि तृतीय भए ।
प्रतियोगितामा प्रथम, द्वितीय र तृतीय हुने विद्यालयका विद्यार्थीले क्रमश १० हजार, ८ हजार र ५ हजार नगदसहित ट्रफी र मेडल प्राप्त गरे । उनीहरूलाई कार्यक्रममा उपस्थित अनेरास्ववियु केन्द्रीय उपाध्यक्ष लोकेश निरौला, बिशिष्ट अतिथि मेचीनगर नगरपालिकाका प्रमुख तथा नेकपा एमाले प्रदेश कमिटि सदस्य गोपालचन्द्र बुढाथोकी र अनेरास्ववियु केन्द्रीय सचिवालय सदस्य दूर्गा धमलालगायले पुरस्कार वितरण गरेका थिए ।
कार्यक्रममा अनेरास्ववियु प्रदेश कमिटी सदस्य लक्ष्मी न्यौपाने, जिल्ला अध्यक्ष रोशन लामा, उपाध्यक्ष लक्ष्मी गौली र बलाराम गिरी, युवा संघका नेता रघुनाथ धिमाल, राजु धिमाल, कृष्ण श्रेष्ठलगायतको उपस्थिति रहेको थियो ।
अनेरास्ववियु मेचीनगर अध्यक्ष बिरु मेचेको अध्यक्षतामा सम्पन्न कार्यक्रममा स्वागत अनेरास्ववियु जिल्ला कमिटि सदस्य एवम् कार्यालय सचिव सन्तोष धमला र सञ्चालन मेचीनगर सदस्य संगम बरालले गरेका थिए ।