झापा, ११ भदौ । नेपाली नारीहरुको महान पर्व हरितालिका तीजको अवसरमा राष्ट्रिय प्रजातन्त्र पार्टी हल्दिवारी वडा-४ ले तिजमिलन कार्यक्रम सम्पन्न गरेको छ । पाथीभरा सामुदायिक भवनमा भएको कार्यक्रममा राष्ट्रिय प्रजातान्त्रिक महिला संगठन वडा- ४ की अध्यक्ष सावित्रा बाराकोटीको अध्यक्षता रहेको थियो भने हल्दिवारी गाँउपालीका अध्यक्ष रविन्द्रप्रसाद लिङदेनको प्रमुख आतिथ्यता रहेको थियो। कार्यक्रममा वडाध्यक्ष सन्तकुमार थापा मगर विशेष अतिथि रहेको कार्यक्रममा वडासदस्य सुनिल बाराकोटी, भावना दाहाल, आयुशा मेचे, राप्रपा गाँउकमिटी अध्यक्ष एकराज राना मगर, क्षेत्रिय अध्यक्ष तुलसा आचार्य लगायत अतिथि रहेका थिए।
दिदीबहिनीहरुकाे भेटघाट गरि रमाईलो गर्नकाे लागि कार्यक्रमको आयोजना गरिएको राप्रपा गाउँ कमिटी सहसचिव योगेश कार्कीले जानकारी दिएका छन् । पवन चम्लागाईले स्वागत मन्तव्य राखेको कार्यक्रमका सञ्चालन अनिल चौहानले गरेका थिए ।