मोरङ, १४ भदौ । अभिनेत्री रेखा थापा आगामी प्रतिनिधिसभा निर्वाचनका लागि मोरङबाट उम्मेदवारी दिने भएकी छन्। राष्ट्रिय प्रजातन्त्र पार्टी (राप्रपा)ले अभिनेत्री थापालाई मोरङ-३ बाट प्रतिनिधिसभा उम्मेदवारको रुपमा सिफारिस गरेको छ।

मोरङ सुन्दरहरैँचाका स्थानीय बासिन्दासमेत रहेकी रेखालाई राप्रपाले उनकै क्षेत्रबाट उम्मेदवार बनाउने भएको हो। रेखासँगै राप्रपाले अम्बिकाप्रसाद अधिकारीको नाम पनि सिफारिस गरेको छ।

अभिनेत्री थापाले देशको मुहार परिवर्तनका लागि अब रैतीको जीवनवाट मुक्ति हुनुपर्ने, झण्डा र पार्टीको बन्दीबाट मुक्त र माथि उठेर निर्णय गर्ने बेला आएको उल्लेख गरेकी छन्। मोरङ-३ को कानेपोखरीमा आयोजित भेलामा उनले भनिन्, ‘देशका सम्पूर्ण दिदीबहिनीहरु एकाकार हुनुपर्छ र आमुल परिवर्तन गर्न सक्नुपर्छ। देश कहालीलाग्दो अवस्थाबाट गुज्रिरहेको छ।