झापा, ४ पुस । मेचीनगरपालिकास्थित चारआली जंगलमा दुईजनाको शव फेला परेको छ । जंगलमा साेमबार दिउँसो एकजना महिला र एकजना पुरुषको शव देखेपछि स्थानीयले प्रहरीलाई खबर गरेको झापाका प्रहरी नायव उपरीक्षक वसन्त पाठकले जानकारी दिए।

उनका अनुसार अन्दाजी ३५/४० वर्षका देखिने महिला र पुरुष दुवै जनाको शव सड्न थालेको अवस्थामा फेला परेको हो। यसै कारण अहिलेसम्म शवको पहिचान हुन नसकेको डिएसपी पाठकले बताए।

शवको पहिचान र घटनाबारे थप अनुसन्धान भइरहेको प्रहरीले जनाएको छ। मृतक दुवै जनाले आत्महत्या गरे वा उनीहरूको हत्या भएको हो भन्ने विषयमा अनुसन्धान थालेको डिएसपी पाठकले बताए।