जनकपुर, १३ पुस । रेलले किचेर एक जनाको मृत्यु भएको छ । जयनगरबाट जनकपुरधाम आउँदै गरेको रेलले किचेर एक जनाको मृत्यु भएको जिल्ला प्रहरी कार्यालय धनुषाले जनाएको छ ।

विदेही स्टेशनबाट हिंडिसकेको रेलमा जबरजस्ती चढ्न खोज्दा उक्त दुर्घटना भएको रेल्वे महाप्रबन्धक निरञ्जन झाले बताए । झाका अनुसार रेलमा जबरजस्ती चढ्न खोज्दा मृतकको खुट्टा फसेर रेल्वे लिकमा खसेका थिए।

लिकमा खसेका उनको सोही रेलले किचेर मृत्यु भएको हो । मृतकको पहिचान खुलेको छैन ।