काठमाडौं, ४ फागुन । खाना पकाउने ग्यासको सिलिन्डर विस्फोट हुँदा नेपाली कांग्रेसका नेता चन्द्र भण्डारी र उनकी आमा घाइते भएका छन्।

काठमाडौंको बुद्धनगरस्थित निवासमा बुधबार राति सिलिन्डर विस्फोट भएको थियो । विस्फोटमा परी घाइते भण्डारी र उनकी आमा ८६ वर्षीय आमा घाइते भएका थिए। उनीहरूको कीर्तिपुरस्थित कीर्तिपुर अस्पतालमा उपचार भइरहेको छ।

बुधबार राति नै अस्पताल पुगेका नेपाली कांग्रेसका महामन्त्री विश्वप्रकाश शर्माले घाइतेहरूको अवस्था गम्भीर रहेको सामाजिक सञ्जालमा जनाएका छन्। भण्डारी गुल्मी क्षेत्र नं १ बाट प्रतिनिधि सभा सदस्यमा निर्वाचित सांसद हुन्।