झापा, १६ फागुन । झापामा जारी मुस्ताङ प्रथम भद्रपुर झापा गोल्डकपको उपाधि त्रिभुवन आर्मीले जितेको छ । ट्राइवेकरमा त्रिभुवन आर्मीले जितेको हो । खेलको निर्धारित समय सम्म पनि दुबै तर्फबाट गोल हुन नसकेपछि खेल अतिरक्त समयमा धकेलिएको थियो । थप समयमा पनि कुनै गोल हुन नसके पछि खेल ट्राइवेकरमा गएको थियो । मेची रंगशालामा भरखरै सम्पन्न खेलमा पेनाल्टी शुट आउट मार्फत मछिन्द्रलाई ४/३ लेपराजित गर्दै आर्मीले उपाधि कब्जा गरेको हो ।
अत्यन्तै प्रतिस्पर्धात्मक बनेको खेलको निर्धारित समयमा दुवैतर्फबाट गोल हुने सकेन, खेल अतिरिक्त समयतर्फ धकेलियो । दुवै तर्फबाट भएका अनेक प्रयास विफल भए । तर १४ मिनेट थप गरिएको अतिरिक्त समयमा समेत गोल नभएपछि खेलको निर्णय ‘पेनाल्टी सुट आउट’बाट लिनुपरेको हो । जसमा आर्मीले संघर्षपुर्ण जित निकाल्दै उपाधि उचाल्न सफल बन्यो ।
उपाधिसगैँ आर्मीले नगद १३ लाख ट्रफी, मेडल र प्रमाण पत्र प्राप्त गरेको छ भने उपबिजेतामा सिमित बनेको मछिन्द्रले नगद ७ लाख ट्रफी, मेडल र प्रमाण पत्रमा चित्त बुझाएको छ । गत ७ गतेबाट जारी गोल्डकपमा तीन विदेशी टोलीसहित १० टिमको सहभागिता रहेको थियो ।