झापा, ९ वैशाख । जंगली हात्तीको आक्रमणमा परी बुद्धशान्ति गाउँपालिकाका एक जना वृद्वको मृत्यु भएको छ ।

बारीमा मकै खान आएको जंगली हात्तीलाई खेदाउन जाँदा आक्रमणमा परी झापाकाे बुद्धशान्ति–५ स्थित खारखोलाका ७० वर्षीय भिमबहादुर भट्टराईको मृत्यु भएको हो ।

आज विहान साढे ३ बजेतिर भट्टराईलाई हात्तीले कुल्चेर मारेकोे हो । उनको घटनास्थलमै मृत्यु भएको प्रहरीले जनाएको छ । स्थानीयबासीका अनुसार बारीमा फलेका मकैबालीमा हात्तीले खान थालेपछि उनी धपाउन गएका थिए । त्यहीबेला हात्तीले उनलाई झम्टेको थियो ।