News Portal

गर्मी मौसममा संक्रामक रोगबाट जोगिने उपाय

रोग प्रतिरोधात्मक क्षमता बढाउन के खाने के नखाने ?

रातोपोस्ट संवाददाता
४८४ पटक

काठमाडौं, २९ बैशाख । अहिले पनि कोरोनाको अन्त्य भएको छैन । यसले विकराल रूप नै लिइरहेको छ। दैनिक रूपमा ५० देिख ६० जना संक्रमितको संख्या बढ्दै गएको छ । त्यसको लागि हामीले हाम्रो शरीरको रोग प्रतिरोधात्मक क्षमता बढाउन निकै आवश्यक रहेको छ । यो गर्मी मौसम हो। यो मौसममा रोग प्रतिरोधात्मक क्षमता कम हुने र विभिन्न प्रकारका संक्रमित रोगका साथै परजीवीको टोकाइबाट लाग्ने रोग लागि रहन्छन् । यी रोगबाट बच्न रोग प्रतिरोधात्मक क्षमता बढाउनु निकै आवश्यक रहेको छ ।

चिकित्सकको भनाइ अनुसार हामीले खानपानमा त्यस्ता खानेकुरा समावेश गर्नुपर्छ जुन खानेकुराले शरीरमा रोग प्रतिरोधात्मक क्षमता विकास होस् । रोगसँग लड्ने क्षमता कमजोर भयो भने कुनै पनि रोगले छिट्टै आक्रमण गर्छ । रोगसँग लड्ने क्षमता बलियो भयो भने कोरोना जस्ता भाइरससँग शरीरले सजिल्यै लड्न सक्ने चिकित्सको भनाइ छ।

रोग प्रतिरोधात्मक क्षमता बढाउन खानामा के के समावेश गर्ने ?
रोग प्रतिरोधात्मक क्षमता बढाउन खानपानमा विशेष ख्याल गर्नुपर्छ । के खाँदा रोग प्रतिरोधी क्षमता बढाउन सकिन्छ भन्ने विषयलाई बुँदागत रुपमा यसरी उल्लेख गर्न सकिन्छ।
– कालो दालमा प्रचुरमात्रामा प्रोटिन हुनेगर्छ । त्यसकारण कालो दाललाई राम्ररी पकाएर खाँदा रोग प्रतिरोधात्मक क्षमता बढ्छ ।
– फर्सीको वियाँमा म्याग्नेसियम, सेलेनियम, प्रोटिन र मिनिरल पाइन्छ । त्यसैले यसको सेवन निकै लाभदायक मानिन्छ ।

– पुदीनाको पातमा भिटामिन सी, क्याल्सियम र फस्फोरससमेत पाइन्छ । यसको सेवनले हाम्रो रोग प्रतिरोधात्मक क्षमता बलियो बनाउँछ ।
– पालकमा आइरन, भिटामिन र फाइबर पाइन्छ । यसलाई तरकारी, सुप, सलाद र जुसको रुपमा खाँदा यसले रोग प्रतिरोधात्मक क्षमता विकास गर्छ ।
– हामीले जहिले खाना पकाउँदा धेरै प्रकारका तेलको प्रयोग गर्छौँ । त्यसको सट्टामा नरिवलको तेलको प्रयोग गर्ने गर्नुपर्छ । नरिवलको तेलको सेवनले शरीरलाई फाइदा मात्रै पुग्दैन यसले शरीरलाई विभिन्न रोगसँग लड्न पनि मजबुत बनाउँछ ।

– पहेंलो एक कप मकैमा १५.६ ग्राम प्रोटिन हुने गर्दछ । साथै मकैमा प्रचुर मात्रामा फाइबर, मिनिरल र क्याल्सियम हुनेगर्छ ।
– भुटेको मकैमा फाइबरको मात्रा अत्यधिक हुन्छ । यसले पाँचन प्रणालीमा सुधार गर्छ । भुटेको मकै खाने मानिसलाई एसिडिटी र कब्जियतको समेत समस्या हुँदैन ।
– माछामा प्रचुर मात्रामा प्रोटिन मिल्छ । अण्डामा प्रोटिन र पोषण पाइने हुदाँ दिनैपिच्छे खान सकिन्छ ।

रोग प्रतिरोधात्मक क्षमता बढाउन कस्तो व्यायम गर्ने ?
– हरेक दिन एक घन्टा शरीरबाट पसिना निस्कने गरी व्यायाम गर्नु राम्रो हुन्छ।
– व्यायाममा बिहान स्वच्छ हावामा एक घन्टा हिँड्न सकिन्छ।
– योग व्यायाम, सूर्य नमस्कार, पेटको व्यायाम, कब्जियत हटाउने आशन, शव आशन र प्राणायम गर्न सकिन्छ । जसले शरीरलाई बलियो र तगडा बनाउनुका साथै रोग प्रतिरोधात्मक क्षमतामा वृद्दि गर्छ ।

प्रतिकृया दिनुहोस्