News Portal

भारतको नक्सलबाडीमा डरलाग्दाे दुर्घटना

रातोपोस्ट संवाददाता
२३० पटक

झापा, ४ जेठ । भारतको एनजेपी गएको नेपाल नम्बरको टाटा सुमो गाडी नक्सलबाडीमा दुर्घटना हुँदा एक जनाको मृत्यु भएको छ भने ५ जना घाइते भएको खबर प्राप्त भएको छ ।

विहीबार विहान साढे ७ वजे काँकरभिट्टाबाट भारती यात्रुलाई लिएर एनजेपी गएको मे १ च ६६८५ नम्बरको सुमो गाडी नक्सलबाडीमा दुर्घटना हुँदा एक जनाको घटना स्थलमा मृत्यु भएको छ भने ५ जना घाइते भएका छन् ।

भारतकाे नक्सलबाडी छेउ पुग्दा सुमोको पिछाडीको चक्का फुस्किएर ट्याक्टरमा गएर ठोकिएको थियाे । गाडीमा सवार सबैजना भारत आसामका रहेकाे जानकारी प्राप्त भएकाे छ । भारतीय प्रहरीले घाइतेहरुलाई उपचारका लागि सिलीगुडी पठाइएको बताइएको छ ।

इलाका प्रहरी कार्यालय काँकरभिट्टाका डीएसपी दिपक भारतीले नेपाली सुमो दुर्घटना भएको खबर आएको तर यकिन विवरण भने अझै नआएको उनले बताए । आसामबाट केहि दिनअघि नेपाल आएका उनीहरु विभिन्न जिल्ला भ्रमण गरेर घर फर्किएको बुझिएको छ ।

प्रतिकृया दिनुहोस्