रातोपोस्ट संवाददाता
काठमाडाै, १४ भदाै । एसिया कपको दोस्रो खेल्न नेपाली टिम श्रीलंका पुगेको छ । प्रतियोगिताको समूह ए मा रहेको नेपालले आफ्नो दोस्रो खेल ४ सेप्टेम्बरमा श्रीलंको क्यान्डीमा भारतसँग खेल्ने छ ।
पाकिस्तानको मुल्तानमा बुधबार पहिलो खेल नेपालले पाकिस्तानसँग खेलेको थियो । पाकिस्तानसँग पराजित भएको नेपाली टिम चार्टर्ड उडानमार्फत बिहीबार श्रीलंका पुगेको हो ।
नेपाल रहेको समूह भारत र पाकिस्तान छन् । पाकिस्तानसँगको पहिलो भेटमा नेपाली ब्याटर टिक्न सकेका थिएनन् । जसले गर्दा ३४२ रनको लक्ष्य पछ्याएको नेपाल १०४ रनमा अलआउट भएको थियो । अब नेपालले भारतसँग कस्तो खेल्छ चासोको विषय बनेको छ ।