झापा, ६ असाेज । झापाको मेचीनगर- ६ काँकरभिट्टा स्थित देवकोटा पार्क परिसरमा सरसफाई गरिएको छ । देवकोटा पार्क ब्यवस्थापन समितिको आयोजनामा ११४ओैं महाकवि लक्ष्मीप्रसाद देवकोटाको जन्म जयन्तीको शुभारम्भ तथा सरसफाई कार्यक्रम आज सम्पन्न भएको हो ।
मेचीनगर उपप्रमुख मीना पोख्रेल उप्रेतीको प्रमुख आतिथ्यतामा आयोजना गरिएको सरसफाई कार्यक्रममा इलाका प्रहरी कार्यालय काँकरभिट्टाका प्रमुख डिएसपी दिपक भारती, शसस्त्र प्रहरी बल काँकरभिट्टा डिएसपी राेहित घिमिरे, ११४ओैं महाकवि लक्ष्मीप्रसाद देवकोटाको जन्म जयन्ती मुल आयोजक समितिको संयोजक बालकृष्ण थापा, पूर्व झापा जिल्ला खेलकुद विकास समिति अध्यक्ष तथा एकृकित समाजवादी पार्टीका युवा नेता शंकर थापा, प्यारीभिट्टा बसपार्क व्यवस्थापन समिति संयोजक डिल्लीराम घिमिरे, नेकपा माओवादीका युवा नेता माधव अर्याल, होटल व्यवसायी संघ मेचीनगर अध्यक्ष सुरेश कुमार श्रेष्ठ, मेची सामुदायिक सेवा केन्द्र काँकरभिट्टाका अध्यक्ष मुक्ति मुक्ती पौडेल, भुपाल शिवाकोटी, धुर्व गीरी, हस्त तामाङलगायतको आतिथ्यता रहेको थियो ।
देवकोटा पार्क ब्यवस्थापन समितिका अध्यक्ष गणेशकुमार खरेलको सभापतित्वमा सम्पन्न भएको थियो । सचिव फडिन्द्र घिमिरेले सञ्चालन गरेका कार्यक्रममा स्थानीय, समाजसेवी, नेपाल प्रहरी शसस्त्र प्रहरी, नगर प्रहरी, साना हात नेपाल, आफन्त नेपाल, विश्व सेवा बिस्तार, माइती नेपाललगायतका संघ- संस्थाका प्रतिनिधिहरुको सहभागिता रहेको देवकोटा पार्क ब्यवस्थापन समितिका सहसचिव शेखर थापाले जानकारी दिए ।