सुर्खेत, २७ जेठ । सुर्खेतको जिल्ला समन्वय समिति (जिसस) प्रमुखमा गंगाराम सुनार विजयी भएका छन् । उनलाई नेकपा एमाले र माओवादी केन्द्र साथ थियो । यसअघि सुनार वीरेन्द्रनगर–१ को वडाध्यक्ष थिए ।

शुक्रबार भएको निर्वाचनमा जिसस सुर्खेतको उपप्रमुख पदमा सचिनकुमार बडुवाल निर्वाचित भएका छन् । यसका साथै सदस्यमा तुलाराम नेपाली, डिल्लीप्रसाद पाण्डे, पृथ्वीबहादुर बुढाक्षेत्री, चन्द्राकुमारी धामी, शान्ति ताराम, मीना मल्ल, साबित्रा टोमटो विजयी भएका छन् ।