झापा, १७ मंसिर । पछिल्लाे २४ घण्टामा झापामा थप ३१ जनामा काेराेना भाइरस (काेभिड-१९ ) संक्रमण पुष्टि भएकाे छ भने १ जनाकाे मृत्यु भएकाे छ। मृत्यु हुनेमा दमक -२ का ६७ वर्षिय पुरूष रहेका छन्।
संक्रमित हुनेहरूमा दमक वडा नं. ५ र ७ का २ जना, बिर्तामाेड वडा नं. ४,५ र ६ का ४ जना , मेचिनगर वडा नं. ६ र १४ का ६ जना ,भद्रपुर वडा नं. १० का २ जना रहेका छन्। त्यस्तै कनकाइ वडा नं. २ र ६ का २ जना, अर्जुनधारा वडा नं. २ का १ जना , हलदिबारी वडा नं. १ का १ जना, कचनकवल वडा नं. ३ का १ जना, शिवसतासी वडा नं. १र १० का ३ जना, बाह्रदशी वडा नं.३ का ५ जना अन्य ठेगाना भएका ४ जना गरी ३१ जनामा संक्रमण पुष्टि भएकाे स्वास्थ्य कार्यालय झापाका फाेकल पर्सन जिवन चौलागाईँले जानकारी दिएका छन्,।
आजसम्म झापामा ३३४२३ जनाकाे स्वाव परिक्षण गरिएकाे छ भने कुल संक्रमितकाे संख्या ३९५१ पुगेकाे छ। त्यस्तै आजसम्म काेराेना जित्नेहरूकाे संख्या २६०९ रहेकाे छ भने आइसाेलेसनमा रहेका सक्रिय संक्रमितकाे संख्या १२२८ रहेकाे र हालसम्म ११४ जनाकाे मृत्यु भएकाे छ।
