झापा, १४ असोज । झापाको बिर्तामोडमा मोटरसाइकल दुर्घटनामा परि २७ वर्षीय अनिश न्यौपानेको मृत्यु भएको छ । गएराति बिर्ताबजार- १० ठुटेवरमा न्यौपाने सवार मोटरसाइकल दुर्घटना भएको थियो ।

बिर्ता बजारबाट सैनिक बजारतर्फ जाँदै गरेको प्र १-०१-०१२ प ५८९१ नम्बरको मोटरसाइकल साइकल यात्रीलाई जोगाउने क्रममा अनियन्त्रित भई दुर्घटना भएको प्रहरीले जनाएको छ ।

दुर्घटनामा टाउको र दुबै खुट्टामा चोट लागेर न्यौपाने गम्भीर घाइते भएका थिए । बिर्तामोडस्थित बिएण्डसी हस्पिटलमा उपचार गराइरहेका न्यौपानेको साेमबार दिउँसो २ बजे मृत्यु भएको जिल्ला ट्राफिक प्रहरी कार्यालय झापाले जनाएको छ ‌।