रातोपोस्ट संवाददाता
झापा, ४ भदौ । झापाको शिवसताक्षीमा श्रीमानले श्रीमतीको हत्या गरेका छन् । आन्तरिक घरायसी विवादको विषयमा श्रीमानले खुकुरी हानेर श्रीमतीको हत्या गरेको प्रहरीले जनाएको छ ।
शिवसताक्षी वडा नम्बर- ८ का ४४ वर्षीय ओमप्रसाद अधिकारीले २९ वर्षीया श्रीमती रञ्जनाको हत्या गरेका हुन् । प्रहरीले घटनाको पुष्टि गर्दै हत्यामा संलग्न अधिकारीलाई नियन्त्रणमा लिएको जनाएको छ ।
झापा प्रहरीका प्रवक्ता डीएसपी कृष्णकुमार चन्दले घटनास्थलमा प्रहरी पुगेको र अभियुक्तलाई नियन्त्रणमा लिएको जानकारी दिए । घटना मंगलबार साँझ पौने ७ बजेको हो ।