मेचीनगर । प्रेस सेन्टर नेपाल प्रदेश १ (कोशी) को अध्यक्षमा भोजपुरका राजन समिप राई निर्वाचित भएका छन् । शुक्रबार राति सम्पन्न तेस्रो अधिवेशनबाट राई अध्यक्षमा निर्वाचित भएका हुन् । राईले निकटतम प्रतिस्पर्धी नवराज कट्टेललाई ५ मतले पराजित गरेका थिए ।
अध्यक्षबाहेक अन्य पद सर्वसम्मत भएको छ । खुल्ला उपाध्यक्षमा सुजन तिम्सिना, महिला उपाध्यक्षमा सुजाता लिम्बू, समावेशी उपाध्यक्षमा सेसेहाङ लाओती चयन भएका छन् । महासचिवमा गोकुल पराजुली, खुल्ला सचिव ईश्वर थापा, समावेशी सचिव डिकेश लामा, महिला सचिव विनु तिम्सिना, मधेसी सचिव सत्यनारायण शर्मा, दलित सचिव राकेश नेपाली र कोषाध्यक्षमा झुलन रेग्मी चयन भएका छन् ।
महिला सदस्यहरुमा मनिता राई र अनिता रसाइली, दलित सदस्य मोतीराम रसाइली, मधेसी सदस्य पवनकुमार साह, अल्पसंख्यक सदस्य बाबुराम मुडियारी, खुल्ला सदस्यहरूमा प्रविण बानियाँ, भीमकुमार चेम्जोङ, आइपी भट्टराई, नवीन सोनाम, हरि अधिकारी र दीपक अधिकारी चयन भएका छन् ।