मेचीनगर, २० पुस । प्रेस क्लब मेचीनगरका अध्यक्ष डम्बर बरालले पदबाट राजीनामा दिएका छन् । आज एक विज्ञप्ती जारी गर्दै उनले पदबाट राजीनामा दिएको घोषणा गरेका हुन् ।
‘संस्थाको विधान अनुसार मेरो नेतृत्वको कार्यसमितिको अवधि सकिएको र नियमित समयमै अधिवेशन गर्न प्राविधिक समस्या उत्पन्न भएका कारण आफ्नो पदिय जिम्मेवारी तथा दायित्वलाई बोध गर्दै आफ्नो कार्यकालमा भएका गतिविधिहरुको जस–अपजस समेतलाई शिक्षाको रुपमा ग्रहण गर्दै आजका मितिसम्म मलाई साथ सहयोग र सुझाव दिनुहुने सबैमा हार्दिक धन्यवाद ज्ञापन गर्दै आज मिति २०८१ पुस २० गते शनिबारका दिनदेखि प्रेस क्लब मेचीनगरको अध्यक्षको जिम्मेवारीबाट राजीनामा गरेको यसै विज्ञप्तीमार्फत सार्वजनिक गर्दछु ।’ उनले लेखेका छन् ।
प्रेस क्लब मेचीनगरको अधिवेशन गर्नुपर्ने मिति यसअघि नै टरिसकेको छ । तर, संस्था नविकरणमा समस्या देखिएपछि अधिवेशन हुन सकिरहेको छैन । यसैकारण अध्यक्षले राजीनामा दिएको हुन सक्ने अनुमान गरिएको छ ।
