काठमाडौं, ३१ बैशाख । उपप्रधानमन्त्री एवं स्वास्थ्य तथा जनसंख्यामन्त्री उपेन्द्र यादवले पदबाट राजीनामा दिएका छन्। जसपा नेपालका अध्यक्षसमेत रहेका यादवले सोमबार बिहान प्रधानमन्त्रीसमक्ष राजीनामा बुझाएका हुन्।

‘वर्तमान विकसित राजनीतिक परिस्थितिमा सरकारमै रहेर सहकार्यलाई निरन्तरता दिन नसकिने भएको हुँदा उक्त जिम्मेवारीबाट राजीनामा दिन चाहन्छु,’ राजीनामापत्रमा भनिएकाे छ। आजै स्वास्थ्य तथा जनसंख्या राज्यमन्त्री रहेका जसपाका सांसद दीपक कार्कीले पनि पदबाट राजीनामा दिएका छन्।