झापा, २ पुष । धरमपुर बचत तथा ऋण सहकारी संस्था लिमिटेड शिवसताक्षी- १ ले सामुदायिक विद्यालयमा अध्ययनरत विपन्न समुदायका बालबालिकालाई स्वीटर वितरण गरेको छ । शिक्षासँग बालबालिका कार्यक्रमअन्तर्गत सहकारी संस्थाले शिवसताक्षीको भगवती आधरभुत बिधालय, त्रिभुवन माध्यमिक बिधालय र बालसेवा आधरभुत विद्यालयका विद्यार्थीलाई स्वीटर वितरण गरेको हो । विद्यालयका ९१ जना विद्यार्थीलाई स्वीटर वितरण गरिएको सहकारी संस्थाका ब्यबस्थापक विनोद ढकालले बताए ।
कार्यक्रममा संस्थाका अध्यक्ष कुमार शकर, उपाध्यक्ष चन्द्र कुमार खड्का, सचिब नारदमणी रिमाल, कोषाध्यक्ष जय कुमारी चेम्जोङ्ग, सदस्य चक्र बहादुर माझी, सल्लाहकार नगेन्द्र बहादुर बोहोरा स्वीटर वितरणका लागि विद्यालयमा पुगेका थिए । कार्यक्रममा भगवती आधारभुत बिधालयकाय अध्यक्ष भक्त बहादुर निङ्लेखु, प्रधानाध्यापक टेक बहादुर थापा मगर, वडा सदस्य टिकामाया बिस्वकर्मा, त्रिभुवन माध्यमिक बिधालयका अध्यक्ष महेस्वर दुलाल, प्रधानाध्यापक नारायण प्रसाद चापागाइ, वडा सदस्य कृश्न कुमारी परियार, बालसेवा आधरभुत बिधालयका प्रधानाध्यापक बेनु कार्की र अध्यक्ष गोबिन ल्वागुन र वडा सदस्य पुजा नेपाली लगायतले मन्तब्य राखेका थिए ।।