काठमाडौँ । राष्ट्रपति विद्यादेवी भण्डारीले गत सोमबार जारी गरेका दुई अध्यादेश खारेज गरेकी छन् । राष्ट्रपति कार्यालयका अनुसार शुक्रबार राष्ट्रपति भण्डारीले  मन्त्रिपरिषद्को सिफारिसमा नेपालको संविधानको धारा ११४ को उपधारा (२) को खण्ड (ख) बमोजिम संवैधानिक परिषद् (काम, कर्तव्य, अधिकार र कार्यविधि) सम्बन्धी  (पहिलो संशोधन) अध्यादेश, २०७७ र राजनीतिक दल सम्बन्धी (दोस्रो संशोधन) अध्यादेश, २०७७ खारेज गरेकी हुन् ।

आज बसेको मन्त्रिपरिषद्को बैठकले चौतर्फी विवादपछि दुवै अध्यादेश फिर्ता लिने निर्णय गरेको थियो ।