News Portal

  • पत्रकार हमालको रिहाइको माग गर्दै महासंघद्वारा रिट दायर ।

    रातोपोस्ट संवाददाता
    ३८८ पटक

    काठमाडौं ।जनपत्रकार संगठनका केन्द्रीय सदस्य तथा जनसंचार डटकमका सञ्चालक एवम् सम्पादक ओम हमाललाई रिहाईको लागि सर्वोच्च अदालतमा रिट दायर भएको छ । जनपत्रकार संगठन नेपालका केन्द्रीय सदस्य तथा जनसंचार डटकमका संचालक एवम् सम्पादक हमाललाई प्रहरीले शुक्रबार गिरफ्तार गरेको थियो ।

    पक्राउ परेका पत्रकार हमाललाई नेपाल पत्रकार महासंघ,जनपत्रकार संगठन नेपाल,फोटो पत्रकार महासंघ, युवा पत्रकार संगठन गण्डकी लगायत संघ-संगठनहरुले विरोध जनाइरहेको छन् ।

    पत्रकार हमाललाई नेकपाका कास्कीका इन्चार्ज कृष्ण वाग्ले ‘रुपेश’ सँगै प्रहरीले शुक्रबार गिरफ्तार गरेको हो । हमाल अन्तरवार्ताको लागि जिल्ला ईन्चार्ज रुपेश भएको ठाउँमा पुगेको बेला रुपेससँगै हमाललाई प्रहरीले गिरफ्तार गरेको जनपत्रकार संगठन नेपाल कास्कीका अध्यक्ष रमाकान्त बास्तोलाले बताए ।
    पत्रकारिता जगतमा लामो समय देखि निरन्तर,भ्रस्टचार अन्याय र बेथितिका बिरुद्द कलम चलाउन खरो स्वभावका पत्रकार हमाल लामो समयदेखि पोखरामा क्रियाशिल छन् ।

    पत्रकारिता क्षेत्रमा खटिएका हमालले थुप्रै राष्ट्रिय र अन्तरास्ट्रिय मिडियाहरुमा काम गरेका छन् । पोखराका आदर्श समाज,जनमत जस्ता पत्रिकाको सस्थापक पत्रकारको रुपमा काम गरि सकेका उनले कमान्डर पोस्ट रास्ट्रिय दैनिक,पोखरा सिटिटाइम्स जस्ता पत्रिका देखि लिएर नेपालवान टेलिभिजन, नियुज ट्वान्टी फोर, तराइ टिभी, जनता टेलिभिजन लगायतका थुपै मिडियाहरुमा काम गरिसकेका छन् ।

    नेपाल पत्रकार महासंघ र जनपत्रकार संगठनका पदाधिकारीहरु को निर्णय अनुसार आइतबार (आज) पत्रकार महासंघले सर्वोच्च अदालतमा रिट दायर गरेको हो । महासंघले रिट निवेकदको लागि केन्द्रीय सदस्य जन्मदेव जैसीलाई खटाएको थियोे ।

    प्रतिकृया दिनुहोस्