रातोपोस्ट संवाददाता
काठमाडौं । नेपाली कांग्रेसका राष्ट्रियसभा सदस्य रमेशजंग रायमाझीले ७० करोड कमिसन काण्ड प्रधानमन्त्री केपी ओलीको संलग्नताविना सम्भव नभएको बताएका छन् । राष्ट्रियसभाको बिहिबार बसेको बैठकमा सांसद रायमाझीले मन्त्रिपरिषद्मा लगेर पारित गर्नुपर्ने विषयमा मन्त्रीले मात्र हिम्मत गर्न नसक्ने बताए ।
“तँ अगाडि बढ् भनेर जबसम्म इसारा दिनुहुन्न यो हुनसक्ने सम्भावना हुँदैन,” उनले प्रधानमन्त्रीतर्फ लक्षित गर्दै भने, “सञ्चारमन्त्रीको ७० करोडको कुरा उठ्यो, यसमा प्रधानमन्त्रीको संलग्नता छ ।”
उनले ललिता निवास प्रकरणमा आफूहरुले कुरा उठाए पनि आफ्ना र अरु छुट्याएको र अख्तियार सरकार मतियार बन्न पुगेको बताए ।
उनले प्रधानमन्त्री केपी ओलीले राजीनामा गरेर ७० करोड काण्डबारे अख्तियार दुरुपयोग अनुसनधान आयोगलाई अनुसनधानमा सहयोग गर्नुपर्ने बताए ।