News Portal

  • इलामको सूर्योदय नगरपालिकाको क्वारेन्टिनमा मृत्यु भएका व्यक्तिको पिसिआर रिपोर्ट नेगेटिभ

    रातोपोस्ट संवाददाता
    ५३७ पटक

    इलाम,भदौ १ । सूर्योदय नगरपालिकाको करफोक विद्या मन्दिरमा रहेको क्वारेन्टाइनमा मृत्यु भएको युवकको पिसिआर रिपोर्ट नेगेटिभ आएको छ।

    झापाको भद्रपुरस्थित मेची अञ्चल अस्पतालको प्रयोगशालामा गरिएको परीक्षणमा मृतक युवकको पिसिआर रिपोर्ट नेगेटिभ आएको नगरपालिकाका कोभिड फोकल पर्सन विपुल अधिकारीले जानकारी दिए।

    क्वारेन्टाइनमा बस्दै आएको सूर्योदय–९ का २२ वर्षका युवाको आइतबार राति मृत्यु भएको थियो। वडा नम्बर १० का अध्यक्ष पेमा उर्गेन लामाका अनुसार ती युवक गत साउन २६ मा भारतको हैदरबादबाट आएर क्वारेन्टाइनमा बसेका थिए। उनको साउन ३० मा स्वाब परीक्षणका लागि पठाइएको थियो।

    आइतबार बिरामी परेका उनको प्राथमिक स्वास्थ्य चौकीका चिकित्सकले क्वारेन्टाइनमा नै उपचार गराएका थिए। मृतकमा श्वास प्रश्वासको समस्या देखिएको थियो।

    प्रतिकृया दिनुहोस्

    Our Team

    अध्यक्ष : गणेश बहादुर मगर
    सम्पादक : दिलिप थापा
    संवाददाता: सुबराज लामिछाने
    मल्टीमिडिया : एकराज प्रधान
    व्यवस्थापक : अप्सना बेगम
    सल्लाहकार : घनश्याम गाैतम
    कानुनी सल्लाहकार : मानबहादुर खत्री
    सम्पर्क नम्बर (९८५२६२१३००)