बुटवल, २८ बैशाख । बुटवलको मिलनचोकमा बुधबार साँझ बम विस्फोट भएको छ । इलाका प्रहरी कार्यालय बुटवलले दिएको जानकारी अनुसार मिलनचोकको आकासे पुल नजिकै बम पड्किएको हो ।
उक्त स्थानबाट नेकपा माओवादीको नाममा प्रचार समेत फेला परेको प्रहरीले जनाएको छ । बिस्फोटक पदार्थ पड्किएको स्थान तथा वरपर केही छर्राहरु समेत फेला परेको प्रहरीले जनाएको छ । घटनाबारे थप अनुसन्धान र खोजतलास भइरहेको प्रहरी निरीक्षक प्रकास थापाले बताए । घटनास्थल वडा ८ को मतदान केन्द्रबाट नजिकै पर्छ ।