झापा, ३० पुस । झापाकाे अर्जुनधारा प्रेस क्लवको अध्यक्षमा रमेश समदर्शी राई सर्वसम्मत चयन भएका छन् । आज अजुर्नधारा- ८ स्थित क्लबकाे कार्यालयमा सम्पन्न प्रथम अधिवेशनबाट अध्यक्षमा समदर्शीलाई चयन गरेकाे हाे ।
अधिवेशनले क्लवको उपाध्यक्षमा प्रेम आचार्य, सचिवमा नरेश खाती, सहसचिवमा उद्धव पुरी, कोषाध्यक्षमा पुष्पा जबेगुलाई चयन गरेकाे छ । भेलाले क्लबकाे सस्यहरुमा विष्णु श्रेष्ठ, दिपक ढुंगाना, सुजाता ढुंगाना, मनिता योञ्जन, पुरुषोत्तम योञ्जन र तिलक योञ्जन चयन भएका हुन ।
क्लवको लेखा समितिको संयोजकमा राजन साम्पाङ र सदस्यहरुमा अनिता बिष्ट र गणेश थापा चयन भएका छन् ।
यसअघि क्लवको अध्यक्ष कुमार भट्टराई रहेका थिए । अर्जुनधारा नगरपालिकामा बसोबास गर्दै पत्रकारितामा क्रियाशील पत्रकारहरुको साझा संस्थाको रुपमा अर्जुनधारा प्रेस क्लव रहेको अग्रज पत्रकार दिपीन राईले बताए ।